Back مايبيل كارتر Arabic مايبيل كارتر ARZ مایبیل کارتر AZB Maybelle Carter Czech Maybelle Carter German Maybelle Carter English Maybelle Carter French Maybelle Carter Italian メイベル・カーター Japanese Maybelle Carter Dutch
| Maybelle Carter | |||
 I 1960-åra | |||
| Fødd | 10. mai 1909 | ||
|---|---|---|---|
| Fødestad | Nickelsville i Virginia i USA | ||
| Død | 23. oktober 1978 (69 år) | ||
| Dødsstad | Hendersonville i Tennessee i USA | ||
| Fødenamn | Maybelle Addington | ||
| Opphav | USA | ||
| Aktiv | 1927–1978 | ||
| Sjanger | Country folk, gospel, americana | ||
| Instrument | Gitar «1928 Gibson L-5», Gibson L-1 banjo, autoharpe | ||
| Plateselskap | Top Rank | ||
| Verka som | songar, banjospelar, gitarist, låtskrivar, plateartist | ||
| Mor | Margaret Elizabeth Addington | ||
| Far | Hugh Jackson Addington, Sr. | ||
| Gift med | Ezra Carter | ||
| Born | Helen Carter, June Carter Cash, Anita Carter | ||
| Prisar | Virginia Women in History | ||
«Mother» Maybelle Carter (10. mai 1909 som Maybelle Addington–23. oktober 1978) var ein USA-amerikansk countrymusikar og opphavet til «Carter scratch-stilen» på gitar.[1] Ho er mest kjend som opphavleg medlem i Carter Family i 1920- til 1940-åra, og som medlem av The Carter Sisters and Mother Maybelle.[2]
13. mars 1926 gifta Maybell seg med Ezra Carter, og i 1927 skipa ho Carter Family i lag med svogeren A.P. Carter, som var gift med syskenbarnet hennar, Sara, som òg var med i trioen. Carter Family var eit av dei første kommersielt suksessrike countrygruppene. I lag med mannen fekk ho tre døtrer, Helen, June og Anita.[2]
Carter spelte autoharpe og banjo, og ho var gitaristen i gruppa. Ho skapte ein unik stil for gruppa med ein nyskapande gitarstil som har fått namnet Carter Family-plukking, der ho brukte tommelen til å spele melodi på bassen og mellomstrengane, og peikefingeren til å fylle ut rytmen.[2] Frå 1950-åra og utover vart ho populært kalla «Mother Maybelle» og fungerte som ein matriark i countrymiljøet, trass i at ho på det tidspunktet berre var i 40-åra. Maybelle og døtrene turnerte frå 1940- og gjennom 1960-åra som «The Carter Sisters and Mother Maybelle», men etter A.P. Carter døydde i 1960, tok gruppa attende namnet «The Carter Family», som ofte turnerte i lag med Johnny Cash, som vart svigersonen hennar i 1968.
Maybelle Carter spelte stundom solo i 1960- og 1970-åra. Den siste plata hennar kom ut i 1973, då ho var 64 år, og nådde høgt på Billboard countrylista. Maybelle deltok òg på The Nitty Gritty Dirt Band-plata Will the Circle Be Unbroken.
Maybelle Carter døydde i 1978 etter nokre år med dårleg helse, og vart gravlagd ved sidan av mannen sin, Ezra, i Hendersonville Memory Gardens i Hendersonville i Tennessee.
- ↑ Olson, Ted. «Carter, Maybelle (1909–1978)». Encyclopedia Virginia. Henta 24. oktober 2020.
- ↑ 2,0 2,1 2,2 Zwonitzer, Mark; Hirshberg, Charles (2004). Will You Miss Me When I'm Gone?: The Carter Family & Their Legacy in American Music. Simon & Schuster. ISBN 0-7432-4382-X.